Ќе се подобруваат условите за работа на такси компаниите

Владата заедно со Асоцијацијата на такси превозниците ќе се заложи за подобрување на условите за работа на такси компаниите. Ова е договорено на денешната средба во Владата на премиерот Зоран Заев и министрите за внатрешни работи и транспорт и врски, Оливер Спасовски и Горан Сугарески, со претставници на Асоцијацијата на такси превозници- информираат од таму

Како што информират од владината прес-служба, претставниците на асоцијацијата, во името на 53 такси компании од Република Македонија, ги истакнаа проблемите со кои се соочуваат во својата работа и побараа измени во постоечката законска регулатива и нејзино прилагодување на реалните состојби во такси превозот.

Премиерот Заев покажа разбирање за нивната иницијатива, изрази добра волја и подготвеност за соработка. Во таа насока предложи насоки како да се излезе во пресрет на изнаоѓање разумно решение за решавање на проблемите на такси превозниците и да се подобрат условите за работа на такси компаниите- се вели во соопштението

Претседателот на Владата ги повика и претставниците на асоцијацијата да земат активно учество преку постојана и интензивна комуникација за да придонесат со свои предлози во изработка на ефикасно и заедничко прифатливо решение.

Претставниците на Асоцијацијата на такси превозници во оваа прилика посебно ја истакнаа одличната соработка која што во континуитет ја имаат со Министерството за внатрешни работи.

 

 

 

09.08.2017 - 19:55

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа