ВМРО-ДПМНЕ: Невини луѓе повеќе од три месеци се жртви на политички прогон

ВМРО-ДПМНЕ денеска со соопштение реагираа на политиките на СДСМ.

„Десетици македонски патриоти повеќе од три месеци се жртви на континуиран политички прогон за измислен тероризам.

Невини луѓе, доктори, глумци, режисери, политички без никаква правна основа се држат во привор во Истражниот затвор Скопје.

Институциите не смеат да се злоупотребуваат за фабрикување на политички постапки и политички прогон.

Конструираните случаи не смеат да станат наше секојдневие!

Судот мора да биде заштитник на законитоста и да работи согласно со Уставот и Законите без разлика на притисокот со кој се соочува

Власта на СДСМ со притворањето на сите оние кои гласно се спротиставија на деструктивните политики на Зоран Заев, покажа дека нема намера да ги почитува демократските вредности.

Македонија има потреба од независно судство кое ќе биде заштитник на граѓаните на оваа држава.

Судот со своите постапки мора да сфати дека е најдиректен и најодговорен учесник во се поголемиот раздор и продлабочување на кризата.

Судот и правосудните органи ја злоупотребуваат мерката притвор. Тие треба да знаат дека оваа мерка се користи само како крајна цел за обезбедување на осомничените, а не како средство за пресметка со сите оние кои размислуваат различно од СДСМ и Зоран Заев.

Судот и сите останати институции мора да работат исклучиво во интерес на граѓаните и согласно законот, Уставот и мегународните договори ратификувани согласно истиот“, се вели во соопштението на ВМРО-ДПМНЕ.

 

 

 

10.02.2018 - 11:09

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа