Бошњаковски: Посетата на Коѕијас чекор напред кон решение

 

Посетата на министерот за надворешни работи на Грција Никос Коѕијас на Македонија, која се очекува идната недела, е чекор напред во придвижување кон конечното решавање на спорот, изјави денеска портпаролот на Владата Миле Бошњаковски.

Тој посочи дека точниот датум на доаѓањето на Коѕијас во Скопје се уште не е утврден.

Запрашан во врска со изјавата на премиерот Зоран Заев дадена за време на вчерашната прес-конференција со американскиот помошник државен секретар за Европа и Евроазија Вес Мичел, дека очекува помош од САД во однос на спорот со името, Бошњаковски го повтори владиниот став дека процесот за решавање на спорот за името се води под покровителство на ОН со посредство на медијаторот Метју Нимиц.

- Секое решение ќе оди преку медијаторот Нимиц. Решението ќе биде постигнато со заеднички компромис во интерес на двете страни. Тој договор што ќе го постигнеме ќе биде заемен компромис прифатлив за двете страни, достоинствено решение. Се уште не сме дојдени во некоја фаза во која што се потребни гаранции за договорот, рече Бошњаковски. 

 

 

 

14.03.2018 - 12:31

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа