НАСА: „Сончева бура“ денеска ќе ја погоди Земјата

 

Американската вселенска агенција НАСА воочи т.н. „сончева бура“ што се движи кон Земјата, по двете ерупции кои се забележани на Сонцето.

Бурата е предвидено денеска да ја погоди Земјата, што може да предизвика проблеми во работата на сателитите и електроенергетските мрежи, пишува британскиот весник „Мирор“.

Се очекува и појава на т.н. поларна светлина, која ќе можат да ја видат жителите на Шкотска, Англија и делови од Северна Америка.

Соларната бура е создадена минатата седмица, по две големи експлозии во сончевата атмосфера, па сега дел од материите што се исфрлени во Вселената, се движат и кон нашата планета. Сево ова се совпаѓа со создавањето пукнатини во Земјиното магнетно поле, кои се формираат во текот на пролетната и есенската рамноденица, секој 20. март и 23. септември. Тие ја слабеат природната заштита на Земјата, што може да предизвика проблеми со ГПС системите за навигација или со радио сигналите.

 

 

 

14.03.2018 - 12:50
Фото: 
МИА

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа