Столтенберг: Воздушните удари ја намалуваат можноста од нови хемиски напади во Сирија

 

 Генералниот секретар на НАТО Јенс Столтенберг денеска оцени дека воздушните удари во Сирија, што во саботата ги извршија САД, Велика Британија и Франција, ја намалуваат способноста на сириската Влада да изврши нови хемиски напади.

Столтенберг рече дека нападите претставуваат „јасна порака“ за сирискиот претседател Башар ал-Асад и Иран дека употребата на хемиско оружје не е прифатлива и оти сојузниците нема да стојат на страна и немо да набљудуваат.

Генералниот секретар на НАТО денеска престојува во посета на Турција на средби со претседателот Реџеп Тајип Ердоган, со шефот на дипломатијата Мевљут Чавушоглу, и со министерот за одбрана Нуретин Џаникли.

Столтенберг вчера во интервју за Анадолија изјави дека целта на неговата посета на Турција е подготовката за престојниот самит на НАТО во јули во Брисел.

 

 

 

16.04.2018 - 13:19

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа